預祝聖誕@大棠&尖沙咀

媽媽話就嚟聖誕節，要同我影下燈飾靚靚豬喎，我都冇得揀架啦，你話去邊咪去邊囉>.<

兩老因為請咗全日假，所以除咗影燈飾，仲話想去影下楓葉喎，唯有陪佢地癲下啦，明知香港啲楓葉一定唔夠日本靚都要去見識下...卒之坐咗大半個鐘的士先至到達! 好啦，落咗車原來仲要行半個鐘山路...嗚嗚...我好耐冇行山山喇，唯有跟住行吧! 好在天氣唔錯，兩老就話當運動囉@_@

卒之見到零星楓葉，有綠有黃有紅有已枯萎，媽媽慨嘆香港嘅空氣種唔到靚楓樹喎，可惜! 叫做到此一遊咁啦!

之後我地就出發往尖沙咀喇! 嘩! 我第一次嚟鬧市，好多人呀! 好緊張呀! 媽媽快啲帶我走啦!
(卡媽按: 因為太多人，搞到阿女好緊張，冇乜笑容，仲要比實Q趕，所以只係影咗少少相留下倩影算數，好在啲遊人大多數友善，仲讚阿女靚，算係有啲安慰啦)

影完1881, 我哋就向尖東出發，順便醫肚喎，好啦，繼續進發！

嘻嘻…居然順便影到鴨鴨做背景添^_^

有啲嘢係有得睇冇得食>_<

大家都食飽lu，快啲打的回府啦！我好眼瞓喇！zzzZZZzzz...