預祝聖誕@大棠&尖沙咀

媽媽話就嚟聖誕節，要同我影下燈飾靚靚豬喎，我都冇得揀架啦，你話去邊咪去邊囉>.<

兩老因為請咗全日假，所以除咗影燈飾，仲話想去影下楓葉喎，唯有陪佢地癲下啦，明知香港啲楓葉一定唔夠日本靚都要去見識下...卒之坐咗大半個鐘的士先至到達! 好啦，落咗車原來仲要行半個鐘山路...嗚嗚...我好耐冇行山山喇，唯有跟住行吧! 好在天氣唔錯，兩老就話當運動囉@_@

卒之見到零星楓葉，有綠有黃有紅有已枯萎，媽媽慨嘆香港嘅空氣種唔到靚楓樹喎，可惜! 叫做到此一遊咁啦!

之後我地就出發往尖沙咀喇! 嘩! 我第一次嚟鬧市，好多人呀! 好緊張呀! 媽媽快啲帶我走啦!
(卡媽按: 因為太多人，搞到阿女好緊張，冇乜笑容，仲要比實Q趕，所以只係影咗少少相留下倩影算數，好在啲遊人大多數友善，仲讚阿女靚，算係有啲安慰啦)

影完1881, 我哋就向尖東出發，順便醫肚喎，好啦，繼續進發！

嘻嘻…居然順便影到鴨鴨做背景添^_^

有啲嘢係有得睇冇得食>_<

大家都食飽lu，快啲打的回府啦！我好眼瞓喇！zzzZZZzzz...

風和日麗@彭福&獅子會

媽媽同爸爸去完旅行返嚟，為咗補償，就連續兩個星期六都同我去跑草草，算你地啦！

上星期嘅彭福啲草草仍然咁靚，我就梗係一放繩就電兔上身跑幾個圈啦，跑夠就抖下先^.^

到咗今個星期，媽媽就帶我同新朋友滴滴玩，仲約埋鄰居阿斗一齊去獅子會玩，好開心呀！

我地仲影咗好多相添，期間亦巧遇同類帥哥摩摩，你睇我地幾sweet!

爸媽滿載而歸^3^

話說爸媽11月中去咗5日旅行，要我去朋友度寄宿，雖然都有得玩有得食，但見佢哋返嚟我都真係好開心，仲估唔到媽媽真係全程好掛住我，去到邊都掛住買嘢比我添，好嘢！啲禮物係有得玩、有得用、有得食！正！
但係……最唔正就係呢個聖誕頭飾囉，搞到我即刻收起笑容了！唔制呀！>.<

媽媽話我好叻叻

媽媽今日一早帶咗我去見醫生，話要拮針針喎，我好驚驚架！
等緊報告嘅時候，媽媽就叫我要叻叻，係咁氹我，其實佢係安慰緊自己就真！
好嘞，終於要去聽報告喇……媽媽話好感恩，我個報告大致上都正常呀，只要繼續留意啲尿尿同體重就ok喇！媽媽開心番晒！仲話因為我叻叻，所以買咗個新玩具畀我玩添！好嘢！v^_^v

乖乖抹腳仔s

媽媽由我細細個開始，就要我出完街街後要抹乾淨四隻腳仔至可以自由行，由於訓練有素，我每次去完街街後都會好乖乖咁等媽媽或爸爸幫我清潔腳仔s.雖然有啲無奈，但清潔完就有飯食喎，等下都值得啦！睇下我啲肉球仔幾乾淨^3^

秋日狂奔獅子會

星期日早上，秋高氣爽，當然係去跑草草啦！
但因為爸爸自己晏晝都要跑草草，所以媽媽就選擇咗近啲嘅獅子會喇，雖然獅子會啲草草冇彭福咁靚，但係我依然跑得咁開心！媽媽話呢個就係我其中一個優點，抵讚喎！嘻嘻…

晨早9點就到達，冇乜人，正！

冇幾耐，聽到好多人聲，媽媽話係旅行團喎，所以我地轉去茶座，一邊食早餐、一邊休息下。

我又係用9秒9食完：

媽媽嘅冇益早餐：

食完早餐曬下太陽先！

下次再嚟過^3^

甜睡^3^

每晚見到阿女瞓到咁冧，卡媽就心滿意足了^3^

漫步西貢碼頭

算你地啦，趁太陽未落山就帶我入西貢散步步，咁我就笑番啦！

途中仲遇到幾隻友善哥基朋友，呢隻係一隻叫阿Jack嘅3歲哥基仔喇^3^

散步過後，媽媽仲揾埋契媽同Terry哥哥同埋囡囡姐姐嚟一齊撐檯腳添，好開心呀！

不過由於場面有啲混亂，所以我地唔記得合照添=_=#

終於返到屋企喇，我就緊係呼呼入睡呢！下次見啦^0^

愛影“後”

卡豬真係好有性格，唔likey嘅時候就最鍾意揾個背脊得住人！
有圖為証：

卡豬：哼！爸爸星期日都要開工，媽媽，夠竟幾時帶我去玩呀？

終於完成COPY & PASTE了

經過艱苦嘅COPY & PASTE，卡豬個新BLOG終於開始繼續運作喇，雖然冇晒以前啲COMMENTS，不過冇辨法啦，希望日後可以搵番以前嘅BLOG友，大家繼續響度交流交流吧:)

又嚟彭福

10月13日星期日，趁爸爸剛出差由越南回港，媽媽話要到彭福公園跑一轉，等我舒展下筋骨喎，我就緊係超開心啦！自從8月游水後媽媽帶咗我睇幾次醫生食咗個幾月藥以嚟，第一次再出去玩玩喎，原來天氣已經開始入秋了，好舒服呀！

媽媽仲帶咗支無敵揮球捧，好容易就將個波波DUM到好遠叫我執返嚟，好興奮呀！

  

新BLOG的開始

幫卡豬響YAHOO寫BLOG不經不覺已有5年幾時間，不過因為懶，所以唔算寫咗好多，但因為YAHOO BLOG快要關閉，所以而家好努力抄返D POSTS過嚟BLOGSPOT，希望繼續保留呢本卡豬日記^3^

卡媽，加油啊！