久違了的彭福草地

媽媽開始康復, 可以行番多少少, 所以話陪我出去玩番轉 (當然得我跑)!
之前一晚才落大雨, 唔知d草地乾咗未呢?
媽媽同爸爸最終都係決定call車出發, 先去食早餐, 再去久違了的彭福草地, 好開心啊!
去到現場見唔到狗狗, 可能係平日上晝加上落完雨卦...
難得見到兩隻史納莎, 緊係即刻飛奔去同佢地打招呼啦, 不過人地媽媽煲緊粥, 冇理我, 反而吸引咗兩隻西人養嘅唐狗男女...
噢~ 佢地係咁追我呀...我就圍圈係咁跑呀跑, 好好玩啊~
不過唐狗男成日想搞我...西人媽媽話domination, 哼! 佢想爭地位? 我唔會采你嘅! 我響媽媽心目中永遠係第一位咪得囉!
好開心, 好耐冇跑草草啦, 雖然已入秋, 但我都跑到索氣要抖抖, 所以爸爸又趁機同我影沙龍喇

 

 

 

 

 

 

 

 

 

 

後段時間又開始有少少雨粉, 剛好夠鐘回程沖涼喇, 彭福草地, 下個月再見
之後沖完涼已經好累, 媽媽又批准我上梳化小睡喎, 所以我好快已經呼呼入睡了zzzzzzzz (卡媽按: 有冇瞓得咁冧呀?!) 
 

 

 

 

 

周末入西貢^^

星期六媽媽話朝早見完醫生，可以同我入西貢散下步，順便同爸爸撐檯腳喎，好嘢! 好耐冇一家三口一齊去玩喇!
姨媽話得閒所以我地就坐佢順風車入去西貢碼頭，唔該晒姨媽!
我地散完步交晒功課之後就響餐廳坐低，媽媽亦為我準備好晚餐，yeah! 我又係用9秒9將佢k.o.! 哈哈!

 

 

 

 

 

 

不過亦因為食得太快，到爸爸媽媽食嘢時我只有呆等... 嗯... 快d啦! 好悶呀!

 

 

 

媽媽之後約咗契媽同Terry哥哥見面，wow好嘢! 好掛住佢地呀! 尤其係Terry哥哥呀!
不過可惜突然開始毛毛雨，唯有要各自返屋企先...下次再約啦!
我因為太耐冇咁興奮了，所以返到屋企已好累，一上床就瞓著咗，仲扯晒鼻鼾呢!

 

 

 

扮火箭

卡豬每朝最唔想就係等住媽媽爸爸出門口返工，明知又要十幾個鐘冇得見面，得我一個獨守閨房瞓晏覺，悶... 所以都係搵個屁股仔得住媽咪示下威先!

好在聽日又到周末喇，又有得見媽媽爸爸多一d喇，好嘢!