出席樂樂家姐嘅生日會

今日好開心，媽媽帶咗我去樂樂家姐嘅生日會呀

你地睇我件披幾咁型女!

 

今日識咗好多朋友仔，有pizza啦，蜜棗啦，小qq啦，尾尾啦，當然唔少得第一次見嘅家姐樂樂同佢細妹肥寶啦!

媽媽話蜜棗哥哥鍾意咗我喎，唔怪得佢係咁追住我唔放啦...

總之今日好開心啦，希望好快媽媽就帶我去另一個party玩啦

 

樂樂家姐:

 

尾尾:

 

q仔哥哥聞我... 嘻嘻...

 

party好多嘢食呀!爸爸唔得閒嚟真係走寶喇!

 

樂樂家姐切生日蛋糕

媽媽整親隻手...

媽媽今朝同我講今晚會夜少少返黎，因為整親隻右手要去物理治療wor...

希望媽媽快啲好番啦，我亦希望我唔會再扯親媽媽就好了... 因為你知我一出街就發癲架啦... 好掛住媽媽添~

發狗瘟

今日本來做野做到好頭痛，不過返到屋企見到卡豬好乖咁等我返來，個心都甜晒 頭痛都冇埋，仲同佢跑咗個幾鐘至回家... 之後同卡爸講番，佢話我一定係發狗瘟頭痛je，見到個囡就會冇事啦! hahaha... 佢又講得啱喎! 呵呵...

新狗牌

好開心啊~ 媽媽整左個新狗牌比我呢... 下星期就可以戴住去生日會喇

都唔該晒q姨姨幫手聯絡呢, 下星期比個kiss kiss你至得

卡豬好番好多喇!!!

卡豬終於好番好多喇, 琴晚返到屋企見佢啲便便都好正常了, 只係又係心急得滯痾左響廁邊... 不過佢冇事我都放心好多了, 亦多謝各auntie嘅問候呢!!!

琴晚見卡豬ok, 我就帶佢落平台行左一陣, 佢仲同卡爸跑圈, 真開心!!!  相信卡豬個傷口都埋得8899了... 眨下眼就一個星期, 時間過得真快呢~

卡豬肚瀉!!!

卡豬由今朝開始肚瀉!!! 點算好??? 已減至1/4份糧比佢等佢痾清, 頭先又見佢痾兩pat... 好擔心!!! 係咪冷親呢??? 同事話聽日比罐醫生開嘅腸胃敏感糧比我, 希望幫到卡豬啦!!!

Desex - Day 5

咗幾日假陪卡b, 今日卒之要返工了, 不過都係請多兩個半晝回家睇下個女, 因為始終都係擔心佢個傷口未埋好

不過返到屋企, 佢興奮到不得了, 證明佢都好得7788了, 實在太好喇!!!

 

 卡b終於肯靜落黎了...

 

 

 

 

 



 

 

Desex - Day 4

卡豬今朝整甩咗塊膠布喇... 好彩個傷口冇咩事je... 仲做得唔錯幾靚呢... 大家可放心

 琴晚個爛瞓樣... 呵呵呵~

 

 

Desex - Day 3

第3日lu... 都冇咩特別丫... 只係唔記得咗就響個地板度尿尿咗... 比媽媽同爸爸教訓咗一餐囉... 因為又要麻煩爸爸媽媽清潔嘛

琴晚因為好熱，所以瞓響地個樣有啲失儀添... haha 你地睇下醫生同我鏟毛鏟得幾肆正 不過塊膠布就嚟甩咁，媽媽話希望可以捱到聽日至拆喎

Desex - Day 2

多謝各位auntie uncle關心同支持，我今朝醒晒喇，仲"聽媽媽話"開始搗蛋添!!!

hahaha... 仲比媽媽影低咗張罪證呢...

Desex - Day 1

Mocha真係好乖，今朝同佢玩咗一陣，就call van送佢去vet度，見vet時都好乖好定，搞到我走時有啲眼濕濕... 媽媽真冇用

之後約好Mocha爸一齊去接卡豬，好在有佢幫，一切都好順利，而家返到屋企了，卡豬藥力仲未散，仲瞓緊... 一陣試下比水佢飲，希望佢ok啦

多謝咁多位支持，我地一家三口會努力的了 

以下係卡豬頭先嘅半開合眼睡相... 嘻嘻~ 佢好少可咁溫柔呢~

 

 

 

安慰

卡豬今日好乖，冇咬嘢等我返屋企，出街街時又特別聽話，唔知佢係咪識聽我講嘢呢?!
已經斷咗佢水了... 希望佢今晚瞓好啲，聽日以最好狀態去做desex啦! 亦希望一切順利呢!

p.s. 多謝卡爸百忙中請假陪我，thank you so much!!!

今晚斷糧斷水

媽媽今朝同我講，叫我乖乖，食埋今晚一餐就要斷糧斷水喎... 因為聽朝就要去絕育喎... 咁講法，我成日冇時停，咪好快肚餓囉?! 唔~ 都係盡量啦... 嘻嘻... 媽媽返咗工，我大把時間咬我中意咬嘅嘢啦... 消磨下日辰先~ 聽日先算lu~

開始緊張了

仲有4日就要同卡豬絕育喇... 開始好緊張添... 有啲似Q媽當日嘅心情呢!

卡豬，你要叻叻呀，雖然你唔知絕育係咩嘢，但係你要知道媽媽係想你以後身體健康、肥肥白白就得喇，要叻叻女，2個星期好快過架乍!!!