按摩豬^0^

卡豬向來都好鍾意媽媽同我按摩豬, 按按下就好想瞓架喇...
琴晚又係咁喇, 媽媽問我一句"按摩豬嘛?" 我緊係即刻行去媽媽前面任佢魚肉啦!

睇下我, 越按越梳乎咁, 不過比爸爸用手機對住我, 要警惕少少先! heehee...

短暫晴天跑彭福

媽媽原本諗住同我食完生日蛋糕後, 響星期日朝早同我一係去游水水一係去跑草草慶祝生日玩一餐, 點知落咗成個星期雨, 而天文台仲話星期日有雷暴! WOW! 好掃興架喎!
不過媽媽話一切交比上天安排啦, 瞓醒再決定~

點知...一張開眼...GOOD! 有藍天同陽光! 媽媽即刻9秒9同我執拾行裝, call車出發!

久違了嘅彭福啊~ 我真係好鍾意你啲草草! 又軟又香! 媽媽一放繩, 我就忍唔住走圍跑咗幾個圈, 仲唔覺意食咗幾條草草添
(卡媽按: 係屁唔覺意! 卡豬一跑草就順便咬草, 天生愛"隊"草~激屎我!)

其間仲遇到一隻同我一樣高嘅"多多" ("多多"係我一個小牧舊街坊), 好得意呀!

後尾媽媽仲俾咗個surprise我, 就係約埋老朋友點點嚟聚舊, 好開心呀! 我地仲o鍚o錫同share一兜水添, so sweet!

媽媽! 我好開心呀! 多謝你! I Love You and Daddy!

媽媽仲話今日全日都好感恩, 事關上午仍然陽光普照, 聚舊午餐後天色開始陰暗, 回到家中已行雷落大雨了! Thanks God So Much!

卡豬5歲生日 甜蜜在家慶祝

媽媽好耐冇update我本日記喇~ 懶豬!

我剛剛5歲生日喇, 媽媽除咗訂咗一套6件嘅生日蛋糕同我慶祝之外, 仲響日本訂咗我最鍾意咬咬嘅牛腳仔返嚟俾我做生日禮物啊~
媽媽起初冇諗住趕得切架, 點知生日當日上晝, 媽媽收到郵差叔叔嘅電話, 開心到飛起, 而個郵差叔叔仲超好人, 唔駛媽媽轉去郵局取件, 索性搵管理員姨姨代收件, 咁媽媽放工回家就可以拎埋份禮物回家了

一切都係預先安排好晒, 媽媽話好感恩啊! 而我就緊係想快啲有得食糕糕同咬牛腳啦~ 哈哈...