3月頭兩個weekend都落雨, 媽媽見啱啱果個weekend咁好天, 就決定帶我入去獅子會玩下! 
卡豬最愛就係跑草喇, 一落車就急不及待周圍行下先, 跟住一見到其他狗狗朋友(雖然係第一次見面), 就毫不矜持地跑去同人哋打個招呼, 隨即就展開一場追逐了, 真係好開心呢!
呢兩位小姐就係卡豬啱啱認識嘅金毛小姐喇, 深色d叫"bobo", 淺色d叫"dodo", 佢哋好友善架, 仲同我又跑又玩, 而我就當然以電兔速度狂跑啦... 因為收唔到制... hahaha...
當日主要同bobo & dodo玩, 之後只係見到一隻哥基-"蕃茄"哥哥, 佢個兄弟叫"斑斑", 都好nice啊!
中途獅子會嚟咗一班疑似內地人士, 響度影大合照, 又用大聲公大叫, 引起dodo同我嘅好奇心, 一齊裝下佢哋搞邊科...
當然, 爸爸一定會同我影番啲沙龍嘅, 我個樣咁甜, 爸爸點捨得唔影呢!
開心喪跑過後, 返到屋企沖完涼緊係覺覺豬啦
