復活節假期在彭福

難得媽媽喺復活節假期休息，天氣又好好，所以又嚟多之彭福跑草草！不過天氣開始熱喇，相信下一次嘅戶外活動會係游水水了，但之前因為游完個泳池媽媽發現我有血尿，所以直指啲泳池水唔乾淨，所以應該唔會再幫襯，不過又未諗到更好嘅地點，希望可以同街坊狗友商量下可以搵到理想游水水嘅地方。

4月5日在彭福

媽媽近來好忙呀，好耐冇幫我UPDATE我個BLOG喇！趁復活節假期，迫佢開電腦交功課先！

話說我二月做完小手術之後，休養咗一陣，等傷口好番之後，媽媽都有帶我出動架，之前有去過西貢跑草草啦，至於響月頭某一日公眾假期，難得爸爸媽媽一齊放假，就趁黃昏時分冇咁熱帶咗我去最鍾意嘅彭福公園跑草草喇！真係好開心！雖然當日人多狗多，但只要有爸爸媽媽一齊陪我玩就心滿意足架喇！

預祝聖誕@大棠&尖沙咀

媽媽話就嚟聖誕節，要同我影下燈飾靚靚豬喎，我都冇得揀架啦，你話去邊咪去邊囉>.<

兩老因為請咗全日假，所以除咗影燈飾，仲話想去影下楓葉喎，唯有陪佢地癲下啦，明知香港啲楓葉一定唔夠日本靚都要去見識下...卒之坐咗大半個鐘的士先至到達! 好啦，落咗車原來仲要行半個鐘山路...嗚嗚...我好耐冇行山山喇，唯有跟住行吧! 好在天氣唔錯，兩老就話當運動囉@_@

卒之見到零星楓葉，有綠有黃有紅有已枯萎，媽媽慨嘆香港嘅空氣種唔到靚楓樹喎，可惜! 叫做到此一遊咁啦!

之後我地就出發往尖沙咀喇! 嘩! 我第一次嚟鬧市，好多人呀! 好緊張呀! 媽媽快啲帶我走啦!
(卡媽按: 因為太多人，搞到阿女好緊張，冇乜笑容，仲要比實Q趕，所以只係影咗少少相留下倩影算數，好在啲遊人大多數友善，仲讚阿女靚，算係有啲安慰啦)

影完1881, 我哋就向尖東出發，順便醫肚喎，好啦，繼續進發！

嘻嘻…居然順便影到鴨鴨做背景添^_^

有啲嘢係有得睇冇得食>_<

大家都食飽lu，快啲打的回府啦！我好眼瞓喇！zzzZZZzzz...

風和日麗@彭福&獅子會

媽媽同爸爸去完旅行返嚟，為咗補償，就連續兩個星期六都同我去跑草草，算你地啦！

上星期嘅彭福啲草草仍然咁靚，我就梗係一放繩就電兔上身跑幾個圈啦，跑夠就抖下先^.^

到咗今個星期，媽媽就帶我同新朋友滴滴玩，仲約埋鄰居阿斗一齊去獅子會玩，好開心呀！

我地仲影咗好多相添，期間亦巧遇同類帥哥摩摩，你睇我地幾sweet!

爸媽滿載而歸^3^

話說爸媽11月中去咗5日旅行，要我去朋友度寄宿，雖然都有得玩有得食，但見佢哋返嚟我都真係好開心，仲估唔到媽媽真係全程好掛住我，去到邊都掛住買嘢比我添，好嘢！啲禮物係有得玩、有得用、有得食！正！
但係……最唔正就係呢個聖誕頭飾囉，搞到我即刻收起笑容了！唔制呀！>.<

媽媽話我好叻叻

媽媽今日一早帶咗我去見醫生，話要拮針針喎，我好驚驚架！
等緊報告嘅時候，媽媽就叫我要叻叻，係咁氹我，其實佢係安慰緊自己就真！
好嘞，終於要去聽報告喇……媽媽話好感恩，我個報告大致上都正常呀，只要繼續留意啲尿尿同體重就ok喇！媽媽開心番晒！仲話因為我叻叻，所以買咗個新玩具畀我玩添！好嘢！v^_^v

乖乖抹腳仔s

媽媽由我細細個開始，就要我出完街街後要抹乾淨四隻腳仔至可以自由行，由於訓練有素，我每次去完街街後都會好乖乖咁等媽媽或爸爸幫我清潔腳仔s.雖然有啲無奈，但清潔完就有飯食喎，等下都值得啦！睇下我啲肉球仔幾乾淨^3^