下廚媽媽

最近受到曲奇媽連日當上下廚媽媽的感染, 琴晚我呢個忙媽媽決定再為卡豬下廚, 自己又可以有餐住家菜食下

呢一味就係既簡單又有營養嘅青瓜雞肉喇

卡豬同曲奇妹一樣, 以9秒9嘅速度將之掃光!!! 連鏡頭都費事望...

 

講到食, 卡豬真係永冇托我手踭架

 

 

 

豪華臀

今朝偶然望見卡豬攤響房門個姿勢... wow... 好一個豪華"臀"呢!!! 即刻拿拿聲影低佢先, 哈哈!!!

 

(卡豬: 媽媽成日都係咁嘅... 人地係好一個美人嚟家嘛... 成日醜化我...)

凍板板

天口熱喇, 媽媽為怕我平日唔夠涼, 所以買咗塊凍板板返來比我瞓, 起初我都唔知呢塊板板係乜東東 又唔玩得又唔咬得, 行上去仲好鬼嘈 之後見媽媽放佢響我嘅至愛風扇前面, 又有玩具喎, 我咪走去試試囉, woo...好清涼呢!!! 原來呢塊板板好舒服架, 咁熱嘅天時真係啱晒我嘞, 多謝媽媽!!!

 另外, 媽媽最喜歡拍低我爛瞓個樣... 呢個就係我午後散步成粒鐘後個累樣... 係咪好sweet呢

 你地睇我呢個睡姿似唔似人地玩跳水果d人呢!? 哈哈!!! 10分滿分!!!

夜晚爸爸就最鍾意同我玩架喇, 有得玩喎, 緊係開心啦!!!

探婆婆^3^

媽媽放假遇著黑雨, 好在都可以趁停雨去咗散下步鬆下筋骨, 唔洗全日做睡公主
翌日媽媽話想探我婆婆, 好嘢, 我好鍾意過婆婆度, 因為婆婆好鍚我

卡豬: 媽媽, 做咩放我響呢度?
卡媽: 婆婆響餐廳入面未出來, 等多一陣啦, 雲石凍凍地, 啱晒你啦!

 卡豬: 點解仲未見婆婆嘅...?

 卡豬: yeah, 婆婆出來了!

 到咗婆婆屋企, 玩到喪晒, 好攰添... 跟住媽媽佢地食飯又冇我份, 唯有響檯底等下有冇啲飯粒可以跌啲落嚟比我啦...

 well... 等到好眼瞓添... zzzzzzzz (卡豬等到反晒眼... 好核突)

真的累了...

這個多月, 卡媽真的累了... 真的很累了...

誰能明白我呢? 怕且沒有...

卡豬妳不必擔心媽媽, 媽媽會繼續給妳幸福的生活, 只要妳乖乖及健康, 媽媽都已很安慰了...

有妳在媽媽身邊, 媽媽多累也會捱過去, 妳要多給媽媽一點支持啊~

見到妳天真無知的笑容, 媽媽也給妳溶化了...

我終於畢業喇^3^

琴日天公造美, 等我可以順利上埋第三堂, 雖然mack sir只係上黎睇下我仲有冇曳曳再指點一下媽媽之外, 跟住我地就一齊去行街街散步去!

沿途mack sir再講多少少嘢比媽媽聽, 不過我就冇理佢地講咩lu, 一於少理... 嘻嘻~ 只係聽到一句"一日為師終身為師"喎, 呵呵~ 咁即係仲有機會再見到mack sir?! (如果我再曳曳的話... ) 不過mack sir話我一歲女, 已比起其他同齡狗狗定性了! 嘩~ 媽媽同我聽到都好開心呢! 多謝mack sir教導有方!!! (特別鳴謝highlight一下)

為咗獎勵我, 原來媽媽前日已走去寵物城買咗一個相傳好好玩嘅"黃小虎"比我, 賀我畢業喎!

媽媽...呢舊係咩黎架? (卡媽:樂寶姨姨話樂寶好中意玩嘅"黃小虎"呀, 唔識貨!)

 媽媽成日迫人擺pose影相... 哼~ 我偏偏唔望鏡呀!

 媽媽, 做咩仲影呀? 我玩得未啫?

 嘻~ 睇下隻"黃小虎"幾搞笑! 我要征服你啊!