咩都玩一餐^0^

媽媽見星期日天氣仍然好好, 所以慫恿爸爸一齊入獅子會跑一趟!
爸媽聽聞獅子會有人話冬天都有牛b, 所以為我加強防衛, 做足保護功夫才出發!
今日d的士叔叔都好好人, 仲係鍾意狗狗嘅, 因為我見爸媽同d叔叔雞啄唔斷咁傾到入獅子會, 哈哈!
可能太早了, 場內只有幾個狗主人放狗, 而我一落車當然要放低幾兩先, 嘻嘻!
等爸媽幫襯完"聰明"d一丁面後, 我就可以去跑跑了!
不過媽媽大頭蝦冇帶波波同我玩, 唯有就地取材, 用我唔like嘅圍巾當波波, 哈哈! 我要征服佢!!
跑到夠晒皮我都要返屋企食mum mum lu, 食完緊係高床暖枕瞓我嘅晏覺啦!

 

 

 

 

 

 

 

 

 

 

 

 

 

 

 

 

 

 

 

輕鬆遊西貢^0^

呢兩個星期都好好天氣, 其實爸爸媽媽連續兩個星期都有帶我入西貢散步架, 只係懶豬卡媽冇update我個blog乍
雖然由屋企入西貢成日都塞車車, 但係到咗碼頭見到好多狗狗, 我都好興奮呀
散步一陣之後爸爸媽媽坐低hea下飲下嘢, 當然我都有份啦, heehee...
因為又驚離開西貢時塞車車, 我地都早少少起行回程, 不過臨走前見到3隻同類, 好想玩多陣呀!
媽媽就放繩我奔放一陣...卒之...人地3個蝦我一個...嗚嗚...認輸了U_U
媽媽安撫我一輪之後, 好啦, 因為回家有狗狗雪糕食, 即刻開心晒

 

 

 

 

 

 

久違了的彭福草地

媽媽開始康復, 可以行番多少少, 所以話陪我出去玩番轉 (當然得我跑)!
之前一晚才落大雨, 唔知d草地乾咗未呢?
媽媽同爸爸最終都係決定call車出發, 先去食早餐, 再去久違了的彭福草地, 好開心啊!
去到現場見唔到狗狗, 可能係平日上晝加上落完雨卦...
難得見到兩隻史納莎, 緊係即刻飛奔去同佢地打招呼啦, 不過人地媽媽煲緊粥, 冇理我, 反而吸引咗兩隻西人養嘅唐狗男女...
噢~ 佢地係咁追我呀...我就圍圈係咁跑呀跑, 好好玩啊~
不過唐狗男成日想搞我...西人媽媽話domination, 哼! 佢想爭地位? 我唔會采你嘅! 我響媽媽心目中永遠係第一位咪得囉!
好開心, 好耐冇跑草草啦, 雖然已入秋, 但我都跑到索氣要抖抖, 所以爸爸又趁機同我影沙龍喇

 

 

 

 

 

 

 

 

 

 

後段時間又開始有少少雨粉, 剛好夠鐘回程沖涼喇, 彭福草地, 下個月再見
之後沖完涼已經好累, 媽媽又批准我上梳化小睡喎, 所以我好快已經呼呼入睡了zzzzzzzz (卡媽按: 有冇瞓得咁冧呀?!)