梳乎連環拍^0^

難得媽媽比我上梳化, 幾大都歎番飽啦!
之後爸爸唔抵得坐埋過來, 而佢又忍唔住幫我按摩豬喎, 哈哈...睇下我個梳乎樣, 媽媽仲忍唔住用手機拍低我個冧樣添!
我真係好鍾意爸爸媽媽放假陪住我呀!

 

 

 

 

 

 

 

 

晚上手機隨手拍

媽媽真係好無聊呢，夜晚追劇就追劇啦，硬係要失驚無神搵個手機對住我...人地飲水飲到下爬濕濕咁冇儀態...
點解我呢牌飲水飲多咗? 我都唔知呀，媽媽話可能天氣乾燥咗喎...
但係媽媽夜晚同我玩拋公仔後我都飲好多水補充下喎，仲先後再去多兩次狗廁所添...嘻嘻...
我唔係呃零食架，係真係急急丫嘛! 仲好大督同尿尿得好準添!

 

 

 

 

Doggie Language

最近睇到一幅自網上轉載嘅圖片，睇完真係會心微笑，對卡豬嘅一舉一動更加了解
卡媽最like係卡豬嘅"greeting stretch"，即係卡豬同我講"hello i love you"特此轉載同各狗友分享一下

精神飽滿曳曳豬^0^

之前媽媽擔心我做咩多咗飲水同尿尿...嘻嘻，原來係因為天氣乾燥吧?!
不過見醫生時佢用針針吉我要驗血，我驚到喊呀! 好在媽媽及時安撫我至可以完事乍...
之後媽媽仲棟住柺杖要拎我嘅"處女尿樣本"添...嘻嘻...我都好合作，媽媽"一擊即中"，載咗d尿尿樣本比醫生check，即時知道冇事，一家三口安心晒!
亦都因為安心晒，所以...我又無聊起嚟搵嘢咬! 今次目標又係插座安全蓋...(卡媽按：即係防止小朋友插d手指入插座嘅cover...激屎我)...
因為咬得太興奮了，oops! 想去尿尿同便便添! 一個廁所滿足唔晒我兩個"願望"喎...所以...尿尿出界鳥!
唯有一聽到媽媽回家時嘅鎖匙聲，即刻dup晒耳仔扮可憐，希望媽媽鬧少dd啦! 哈哈!
卡媽按：唉，見到阿囡個"可憐"相，點鬧得落丫?! 有時寧願佢搗蛋d生猛d，都唔想佢地有病冇精神啦，係咪?
卡豬，你身體健康媽媽就安心架喇，間中曳曳都冇所謂啦!

 

心靈溝通^^

最近卡豬飲多咗水, 有時夜晚去完散步又狂飲一大兜水, 到臨瞓前開始急尿, 佢就會忐忑不安...
我有次問佢係咪想去尿尿, 如果想去就自己去狗廁所, 媽媽唔騷擾佢(因為卡豬好怕羞, 唔中意響我地面前去狗廁所)...
跟住我就扮唔理佢, 佢再望實我一陣, 好似想同我講嘢咁...
我再叫佢急就自己去廁所啦, 跟住佢真係慢慢行去廁所, 好乖咁企好位置就尿尿!
到佢搞掂嚟搵我, 好似同我匯報一下佢尿尿咗咁, 於是我就大讚佢好乖! 佢仲好開心呢! 我真實感覺到我地兩母女真係有溝通過架! 哈哈!

 

 

 

Sweet nap ^3^

卡豬愛睡...更愛響媽媽附近任何一個地方睡...總之, 好sweet啦

 

我響書檯做嘢, 卡豬就連檯腳都可ai住瞓, 真可愛!

 

卡豬新YAHOO BLOG ^3^

很久沒有為卡豬寫BLOG了, 原來YAHOO BLOG有新版面, 可將舊有的POST轉過來, 很方便呢!
希望之後我可以勤力些繼續UDPATE卡豬近況, 豐富這本卡豬日記!

越大越冇儀態@_@

阿女真係好冇儀態... 瞓晏覺時唔係反晒眼就四腳朝天...