第二堂之後...

響上第二堂之前, 其實我已經有明顯嘅進步了, mack sir都話我唔難教呢, 嘻嘻~
不過當然仲未係百分百令媽媽放心啦, mack sir話要媽媽繼續努力同觀察我, 嗯, 希望我可以快d畢業啦!!!

之後媽媽就帶咗我去沖涼涼, 因為上星期美容院迫爆wor, 唯有壓後一個星期囉, 沖完涼仲走咗去婆婆屋企玩, 真係開心喇~ 嘻嘻~

 

 

 

第一堂

終於等到mack sir為卡豬上嘅第一堂了
mack sir 都話卡豬頗興奮, 成日跳, 呢d壞習慣一定要改改改

(p.s. 每隻狗狗同每個狗主的情況都唔同, 下列只係我同卡豬嘅case, 請勿胡亂仿傚, 如有問題, 記得請教有關專業人士啊)

卒之mack sir都係建議卡豬需要用headcollar同一個vibrator去幫佢改走d壞習慣
你地睇卡豬戴住個vibrator都仲識笑騎騎, 就知佢都接受到呢個新玩意啦, 佢響屋企已經唔敢亂撲喇, 連卡爸都睇到佢即時嘅轉變呢!
對於卡媽我來講就係好嘅開始, 我好希望卡豬可以早日進步為好乖好定嘅可愛卡豬呢

 

 

仲有就係headcollar... 本來我都唔係太接受呢樣東西, 不過卡豬的而且確由好搶繩變回一隻響我左邊跟我行嘅乖乖豬, 只係十分鐘就有呢個好轉變, 連我都開始接受呢樣外表不討好嘅東西
而卡豬, 我就會每次同佢戴完之後即刻比零食佢, 等佢有個好嘅聯想, 希望過一段時間, 卡豬就可以好定定咁響我側邊散步步啦

有相睇喇!!!

3月9日爸爸媽媽帶咗我去狗公園同朋友仔玩，啲相終於出爐喇!!!

以下係其中部份嘅沙龍，爸爸同媽媽都有入鏡架，哈哈~

多謝connie姐姐同chor哥哥再一次同我地影咁多沙龍相啊!!!
等卡豬比個kiss kiss你地丫

 

 

 

 

 

 

 

 

散步掠影

媽媽放假, 可以日光日白同我行街街散步, 好嘢!
媽媽仲話, 趁我仲響發育階段, 影低多啲相, 可以日後做比較喎~ 不過我全程好專心周圍"探索", 冇望鏡頭, 激死媽媽

最近媽媽同爸爸仲有其他街坊都話我開始長咗肉喇... 希望唔好過肥就ok了

 同場加映: 行行下草地, 狗有三急... 嘻... 又比媽媽偷影到我尿尿添~

點解我個女瞓得咁粗魯架?

前言: 因為卡豬就嚟上mack sir嘅行為課程, 而卡豬因為呢牌多咗咬嘢(真係乜都咬... 好擔心佢食錯野傷腸胃), 於是mack sir就建議我暫時困番佢入圍欄, 冇得自由行, 直至mack sir上門視察清楚再糾正..... 好在卡豬都好乖, 冇扭計, 雖然媽媽都唔捨得困番你架...

不過, 我呢個女真係何時何地都可以瞓得好粗魯... hahaha... 睇下佢琴晚個睡相啦!!! 仲要瞓到一隻手插咗出個欄, 一隻腳踏上廁所... 真陰公, 卡豬已開始大隻了, 個圍欄嘅空間實在太細了... 唯有屈就多一陣啦...

 

呢個就係媽媽最喜歡卡豬嘅笑樣了, 一見心都甜埋!

 

至於呢個... 就係佢成日好想上sofa個渴望樣... 而家我返工佢被困, 冇得上了...