卡豬睇電視

近日卡豬愛上咗睇新電視劇"當狗愛上貓" (可能佢知道"同事三分親"就嚟播完啦)

已有好幾次佢係由梳化行前去坐響電視前面好專注咁睇, 可惜手腳慢嘅卡媽冇一次可以成功拎個DC或者手電出嚟影低呢個畫面...

琴晚又係咁, 正當卡豬步前坐咗響電視前睇緊"小巴"同"MC"對話, 卡媽一拎起部手電時, 卡豬即刻回頭以為有零食... 唉...

卒之當佢知道冇零食時, 就霸番佢平時最鍾意嘅梳化角位, 跟住又繼續聚精匯神咁睇, 直至播完唱歌拉字幕...

以下就係難得比卡媽影到嘅"卡豬睇電視連環圖"喇, 你地睇下卡豬幾專心

 

 

 

我和尋回犬的十個約定

 

 

好早之前已聽過呢十條對愛犬嘅承諾，我一直都銘記在心，今日，又係日本仔，將之拍成電影，必定又係一套令人流馬尿嘅電影... 唉... 好想睇... 但又唔想喊... 隻金毛好cutie... 個story好煽情... 好，我就比自己個半月時間去決定睇唔睇啦!

故事大綱 :
一〉請耐心聆聽我的話語
二〉相信我，因我一直都與你同一陣線
三〉經常和我遊玩
四〉別忘記我也有感情的
五〉不要和我打架，因為終有一天我長大了，我便會贏的
六〉我不聽話的時候，一定是有原因的
七〉你上學，有朋友，但是我...就祇有你
八〉我老了以後亦請繼續做我的朋友
九〉我祇活大概十年，所以要珍惜一起生活的每一刻
十〉我不會忘記一起渡過的日子，我死的時候，請留在我的身邊

襪子，多謝你，我學會了友善，學會了愛。

故事詳情可瀏覽:www.moviesuper.com

我的愛女

落咗唔知N咁多日雨... 難得星期日有少少放晴, 就響卡豬洗白白前同佢去散下步, 行下草, 卡豬最歡喜了!
睇下我個女, 真係我嘅心肝寶貝啊!

 

卡豬, 你條腰腰去咗邊呀?

 

 

卡豬, 行到咁遠, 聽唔聽到媽媽嗌"come"架?

 

 

仲有, 卡媽見到個女瞓覺個樣就好冧架喇, 真係咩都可以唔理淨係望住個女... 嘻嘻...

 

 

卡豬響瞓覺時連佢至愛之一嘅"海棉先生"都可以置之不理架

 

 

近日開始同一個鄰居齊齊放狗, 呢位就係卡豬嘅新朋友仔"基基"喇, 佢有5歲幾了, 雖然口水多多, 成日搞到卡豬濕晒, 不過佢地兩個都玩得好開心, 下次有機會影番基基嘅靚仔相至得!

 

 

 

 

 

 

假期實錄

因為回港翌日就已開工, 仲忙到死死下, 未有時間upload卡豬響契媽屋企嘅情況, 唯有而家至cap幾張相update下大家, 詳情可轉去契媽個blog睇下: http://hk.myblog.yahoo.com/bella_louie/article?mid=1371

卡豬第一晚到達契媽屋企... 傻兮兮呢

 

難得好天氣好開心啊!!!

 

 

 卡豬今次最大收獲係同terry哥哥互生情愫... hahahahaha... 小朋友情豆初開......

 

不過有時又玩得太癲, 最後仲互有損傷添, 真係心痛死我... 好在比dr tint check過之後話卡豬"very lucky"! 好快會好番架喇! 咁我都冇咁擔心, 不過都希望卡豬快d完全康復, 做番原來嘅美人胚子啦!!!