凍板板

天口熱喇, 媽媽為怕我平日唔夠涼, 所以買咗塊凍板板返來比我瞓, 起初我都唔知呢塊板板係乜東東 又唔玩得又唔咬得, 行上去仲好鬼嘈 之後見媽媽放佢響我嘅至愛風扇前面, 又有玩具喎, 我咪走去試試囉, woo...好清涼呢!!! 原來呢塊板板好舒服架, 咁熱嘅天時真係啱晒我嘞, 多謝媽媽!!!

 另外, 媽媽最喜歡拍低我爛瞓個樣... 呢個就係我午後散步成粒鐘後個累樣... 係咪好sweet呢

 你地睇我呢個睡姿似唔似人地玩跳水果d人呢!? 哈哈!!! 10分滿分!!!

夜晚爸爸就最鍾意同我玩架喇, 有得玩喎, 緊係開心啦!!!